Saga e transferimit të Julián Álvarez te Barcelona mund të marrë një kthesë të papritur ligjore. Sipas Mundo Deportivo, sulmuesi argjentinas është gati të ndërmarrë hapa drastikë për t’u larguar nga Atlético Madrid dhe për t’u bashkuar me katalanasit.
Raportimet bëjnë me dije se Álvarez po shqyrton mundësinë e ndërprerjes së njëanshme të kontratës me klubin madrilen. Nëse kjo ndodh, çështja nuk do të zgjidhet më vetëm nga organet e futbollit, por mund të kalojë në gjykatë spanjolle.
Në këtë skenar, shuma e kompensimit që do t’i takonte Atlético Madrid nuk do të përcaktohej nga rregulloret e FIFA-s, por nga ligji spanjoll i punës dhe vendimi përfundimtar i gjykatës.
Kjo lëvizje do t’i hapte rrugën Federatës Spanjolle të Futbollit për ta regjistruar menjëherë sulmuesin te Barcelona, ndërsa klubi katalanas do të paguante kompensimin vetëm pasi gjykata të vendoste shumën e saktë.
E ardhmja e Julián Álvarez mbetet një nga çështjet më të nxehta të merkatos, me Barcelonën që vazhdon ta shohë argjentinasin si një objektiv të madh për sulmin.
