Mes shumë heronjëve të zjarrfikëses së Tiranës që dje bënë të pamundurën për të mbrojtur jetën dhe pronat e qytetarëve, është dhe Jonus Murataj.
Zjarrfikësi me origjinë nga Mallakastra punoi me mish e me shpirt për të ndihmuar sa më shumë qytetarët.
Në këtë foto, Jonusi shihet teksa ka hequr kaskën e tij mbrojtëse, për t’ia dhënë një zonje që kishte mbetur e bllokuar në katet e larta të pallatit shumëkatësh pranë “Farmacisë 10” në Tiranë.
Bashkë me kolegun e tij, Jonusi ndihmon zonjën që të zbresë e sigurt në shkallët e vendosura posaçërisht për këtë qëllim.
Ky veprim është cilësuar si një akt i vërtetë heroik, që tregon shpirtin e fortë dhe zemrën e madhe të një mallakastrioti.
