Ditën e djeshme këngëtarja Jonida Maliqi i është rikthyer dyerve të gjykatës 8 vite pas divorcit të bujshëm nga ish-bashkëshorti i saj, Gent Prizreni.
Ajo është parë në ambjentet e Gjykatës së Tiranës shoqëruar nga avokati i saj dhe mësohet se ka paditur ish-bashkëshortin pasi ky i fundit, sipas saj, nuk i është përmbajtur detyrimeve ekonomike ndaj fëmijës së tyre, Dan.
Por Gent Prizreni, i është përgjigjur menjëherë publikisht këngëtares, duke publikuar faturat.
Faturat tregojnë se si ai ka depozituar në llogarinë e Jonida Maliqit 2 mijë euro, të paktën në dy muajt e fundit.
