Izraeli po mbahet me dhjetëra palestinezë në burgun nëntokësor Rakefet, një strukturë pa dritë natyrale, ku të burgosurit ballafaqohen me kushte të rënda, përfshirë mungesë ushqimi, izolim total dhe keqtrajtim të rënde. Këto informacione vijnë nga avokatët e Komitetit Publik Kundër Torturës në Izrael (PCATI).
Mes të arrestuarve ndodhen një infermier 34-vjeçar dhe një adoleshent 18-vjeçar, të cilët janë mbajtur për muaj të tërë pa asnjë akuzë ose gjyq. Ata raportojnë se janë përballur me dhunë, torturë, mungesë ajri dhe ushqimi. Rakefet, e hapur fillimisht në vitet ’80 për kriminelë të rrezikshëm dhe më pas e mbyllur për kushte çnjerëzore, u riaktivizua në 2023 me urdhër të ministrit të ekstremit të djathtë, Itamar Ben-Gvir, pas sulmeve të 7 tetorit. Sot, burgu ka rreth 100 të burgosur, përkundër kapacitetit të tij fillestar prej 15 personash.
Avokatët që vizituan qelitë përshkruajnë kushte ekstreme: ato janë nën tokë, pa dritare, me ajër të rëndë, qeli të ndyra dhe mbikëqyrje të vazhdueshme. Të burgosurit dalin vetëm disa minuta në ditë dhe nuk kanë asnjë kontakt me familjet e tyre. PCATI e konsideron këtë trajtim si shkelje të rëndë të ligjit ndërkombëtar humanitar, duke theksuar se privimi nga drita e diellit dhe ushqimi përbën një formë torturë.
Në përgjigje, Shërbimi i Burgjeve të Izraelit ka deklaruar se “vepron sipas ligjit”, por nuk ka dhënë informacione të detajuara mbi identitetin dhe trajtimin e të ndaluarve në Rakefet. Kjo situatë po tërheq vëmendjen ndërkombëtare, duke bërë që organizatat për të drejtat e njeriut të kërkojnë një hetim të thellë mbi këto pretendime dhe kushtet e trajtimit të të burgosurve palestinezë.
