Kryeministri Edi Rama sërish ka ironizuar videon e kryetarit të Demokratëve Euroatlantikë, Lulzim Basha.
Kreu i qeverisë në një takim nga Lushnja, tha se Basha jep premtime boshe sepse nuk ka asgjë në dorë për të ndryshuar.
Rama tha se është i gëzuar që është vënë në kontakt me Bashën pasi nuk shtyhet fushata pa të.
“Këta që nuk kanë gjë në dorë të japin paga të jashtëzakonshme. Ta rrisin pensionin sy për sy. Jam i gëzuar se jam rivënë në kontakt me Lulin se kishte humbur.
Është pozitive kjo se nuk shtyhet fushata pa Lulin. Luli i ka rritur se di se sa i kanë shkuar pagat dhe pensionet.
Pashë që kishte dalë se kishte thënë se do të heq vozat amerikane. Mund t’i heqë se s’ka gjë në dorë.
Është si puna e dikujt që hedh lotarinë, të dalë ku të dalë. Këta thonë kush ta hajë ta hajë, le të vijë”, tha Rama.
