Forcat izraelite ndaluan një anije të nisur drejt Gazës me një sasi ndihmash, duke i penguar aktivistët në bord, përfshirë suedezen Greta Thunberg, që të mbërrinin territorin e bllokuar palestinez.
Thunberg e quajti ndalimin e tyre “praktikisht një rrëmbim”. Anija Madleen u nis nga Italia më 1 qershor me qëllim që të rriste ndërgjegjësimin për mungesën e ushqimit në enklavën e përshkruar nga OKB-së si “vendi më i uritur sot në Tokë”. Por ministria e Jashtme izraelite e minimizoi rëndësinë e anijes, duke e cilësuar më tepër si një “jaht për selfie” që përmbante sipas saj më pak se një kamion me ndihma.
Ajo postoi fotografi të aktivistëve të veshur me jelekë shpëtimi portokalli, të cilëve u ofrohej ujë dhe sanduiçe. Autoritetet izraelite njoftuan se Madleen po dërgohet tani në portin e Ashdod-it, ku aktivistëve do t`u tregohen video të sulmeve të Hamasit 7 tetorit e vitit 2023.
Ministria e Jashtme palestineze bëri thirrje që aktivistët të mbrohen, ndërsa një zyrtar i Kombeve të Bashkuara apeloi që më shumë anije të bëhen bashkë e të nisen me ndihma drejt Gazës.
