Të tjera detaje janë zbardhur lidhur me dhunimin e drejtorit të AKU-së në Shkodër, Ramir Haderi, nga persona të paidentifikuar ende.
Bëhet e ditur se ngjarja ndodhi në lagjen “Rus” në qytetin e Shkodrës.
Kreu i AKU është goditur me sende të forta në kokë dhe qyte pistolete duke i shkaktuar dëme të konsiderueshme.
Menjëherë në vendngjarje kanë mbërritur forcat e policisë.
Dhunimi i drejtorit Haderi dyshohet për shkak të detyrës si drejtor i AKU Shkodër.
Ai po ecte me bashkëshorten e tij në këmbë kur persona ende të paidentifikuar i janë afruar dhe e kanë goditur.
Ai ndodhet në urgjencën në spitalin e Shkodrës ku po merr ndihmën e parë.
Në ragimin zyrtar, policia thotë:
Shkodër/Informacion paraprak
Rreth orës 21:30, në Spitalin Rajonal Shkodër është paraqitur për ndihmë mjekësore shtetasi R. H., me detyrë drejtor i AKU-së Shkodër, i cili ka deklaruar se në lagjen “Fahri Ramadani” është goditur me sende të forta nga një shtetas ende i paidentifikuar.
Grupi hetimor nën drejtimin e Prokurorisë, po punon për sqarimin e rrethanave të rastit, identifikimin dhe kapjen e autorit.
