Një 48 vjeçar i ka dhënë fund jetës duke u vetëvarur në banesë në lagjen nr 18 të qytetit të Korçës.
Sipas informacioneve paraprake, mësohet se viktima jetonte i vetëm pasi ishte divorcuar nga bashkëshortja.
Kanë qenë familjarët që nuk kanë mundur dot të kontaktojnë me 48 vjeçarin gjatë ditës, të cilët kanë njoftuar policinë. Këta të fundit shkuan në banesë ndërsa është ndërhyrë për hapjen e derës dhe e kanë gjetur personin të varur në dhomë.
Dyshohet se shkak është bërë gjendja e rënduar psikologjike e 48 vjeçarit. Trupi do të dërgohet në morg ndërsa vijojnë veprimet për rastin.
