Youtuberi i njohur IShowSpeed, emri i vërtetë i të cilit është Darren Jason Watkins, është takuar sërish me kryeministrin e Shqipërisë, Edi Rama, dhe presidentin e FSHF-së, Armando Duka, gjatë Festivalit të Kampionëve të UEFA-s në Parkun Olimpik të Munich-ut.
Gjatë bisedës, Speed shprehu mallin për Shqipërinë dhe deklaroi se këtë verë do të rikthehet, ndërsa Rama e priti këtë lajm me entuziazëm. Pas takimit, ai iu drejtua kamerës dhe përshëndeti shqiptarët duke bërë me duar simbolin e shqiponjës dykrenare.
Speed pritet të marrë pjesë në stërvitjet e skuadrave të njohura si PSG dhe Inter Milan, ndërsa do të drejtojë edhe transmetimin në kohë reale për ndjekësit e tij.
Me mbi 39 milionë ‘Subscribe’ në YouTube, ai ka fituar disa çmime të rëndësishme për përmbajtjen e tij, përfshirë “Krijuesi më me ndikim i futbollit” në vitin 2024.
