Policia e Burgjeve ka nxjerrë nga qelia kreun e Partisë së Lirisë, Ilir Meta, për ta shoqëruar drejt fshatit Çepan në Skrapar, ku do t’i japë lamtumirën e fundit të atit të tij, Rexhep Meta, i cili u nda nga jeta ditën e djeshme.
Meta pritet të marrë pjesë në ceremoninë mortore që do të zhvillohet në vendlindjen e familjes, nën masa sigurie dhe i shoqëruar nga policia.
Ish presidenti Meta la ambientet e burgut 313 në orën 7 të mëngjesit, ndërsa ceremonia mortore pritet të zhvillohet në orën 12:00.
Burime bëjnë me dije se Meta ka marrë leje edhe për ditën e nesërme, do të presë ngushëllimet në hotel Rogner prej orës 9 të mëngjesit.
