Tre persona janë arrestuar nga policia në Tiranë, ndërsa dy të tjerë u shpallën në kërkim, pasi përmes mashtrimi i morën shumën prej 40 mijë eurosh një 55-vjeçari.
Sipas Policisë, ngjarja ka ndodhur në rrethrrotullimin e Rinasit, ku autorët komunikuan përmes një aplikacioni me 55-vjeçarin dhe u prezantuan si persona të njohur metë duke i zhvatur paratë.
Katër nga autorët e arrestuar janë shtetasit:
-Krenar Toromeni, 36 vjeç, banues në Divjakë
-Ilia Gjini, 24 vjeç, banues në Divjakë
-Artur Lecini, 39 vjeç
-Elton Rrushi, 38 vjeç, banues në Kavajë
Dy shtetas të tjerë, E. B., 34 vjeç dhe L. M., 35 vjeç, janë shpallur në kërkim.
Ndërkohë, gjatë kontrollit të banesës së shtetasit Artur Lecini ku është gjetur dhe shtetasi Elton Rrushi, është zbuluar një ambient i përshtatur me pajisje elektrike, për kultivim të bimëve narkotike.
“Shërbimet e Policisë kanë gjetur e sekuestruar dhjetëra bimë Cannabisi, pajisje (llamba dhe ventilatorë) që shërbenin për kultivimin e tyre në ambiente të mbyllura, sasi Kokaine dhe Cannabisi, 4 celularë dhe 1 automjet tip “Audi Q5”, thuhet në njoftimin e policisë.
