Një shpërthim i fuqishëm është regjistruar disa minuta më parë brenda ambjenteve të burgut të sigurisë së lartë në Fushë-Krujë.
Sipas burimeve paraprake, dyshohet se lënda plasëse ishte tritol i vendosur pranë një gjeneratori.
Në vendngjarje kanë mbërritur forcat e shumta të policisë, repartet speciale, si dhe ekspertë të antieksplozivit. Nuk raportohet për të lënduar deri në këto momente. Në një njoftim të fundit policia sqaron se nuk ka të lënduar as dëme materiale.
Njoftimi i policisë:
Krujë/Informacion paraprak
Rreth orës 22:45, ka ardhur një telefonatë në sallën operative të DVP Tiranë, se është dëgjuar një shpërthim brenda perimetrit të IEVP Fushë-Krujë.
Nga shpërthimi nuk ka persona të lënduar dhe as dëme materiale.
Grupi hetimor dhe shërbimet e Policisë ndodhen në vendngjarje dhe po punojnë për sqarimin e rrethanave të rastit dhe përcaktimin e llojit të shpërthimit.
