Policia e Shtetit njoftoi ditën e sotme se është drejt finalizimit të një tjetër faze të operacionit ndërkombëtar të koduar “The Wanted”, në bashkëpunim me partnerët ndërkombëtarë.
Sipas autoriteteve, pritet që pasditen e sotme të kryhet me sukses ekstradimi nga Dubai i të shumëkërkuarit Florenc Çapja, 44 vjeç, banues në Elbasan.
Florenca Çapja është dënuar me burgim të përjetshëm nga Gjykata e Posaçme për vrasjen e babë e bir Nezir dhe Gentian Beqiri, krim i ndodhur në vitin 2012 në Elbasan.
Gjithashtu ai kërkohet nga drejtësia shqiptare për tentativën e vrasjes së ish-policit të rrugores, Fadil Mema në vitin 2006.
Florenc Çapja, i cilli njihet si kundërshtar i Suel Çelës, është dënuar me vendim të Apelit të GJKKO, me burgim të përjetshëm për veprat penale si “vrasje në rrethana të tjera cilësues”, “grup të strukturuar kriminal”, “prodhim dhe mbajtje pa leje e armëve luftarake”, si “mbajtje pa leje e armëve të ftohta”.
