Një ngjarje e rëndë është regjistruar në zonën e Porto Palermos, në Himarë, ku një 65-vjeçar ka humbur jetën pas shpërthimit të një lënde artizanale plasëse.
Sipas të dhënave paraprake, 65-vjeçari dyshohet se po peshkonte duke përdorur një mjet shpërthyes, kur lënda plasëse i ka shpërthyer papritur në dorë.
Shpërthimi i ka shkaktuar plagë të rënda në trup dhe në gjymtyrë. I dëmtuari është transportuar me urgjencë drejt spitalit, por nuk ka mundur t’u mbijetojë plagëve dhe ka ndërruar jetë.
Policia ka mbërritur në vendngjarje dhe ka nisur hetimet për të zbardhur rrethanat e plota të ngjarjes.
