Nëna e Mark Samson, 23-vjeçarit që masakroi me thikë 22-vjeçaren Ilaria Sula në Itali, ka rrëfyer se ka bashkëpunuar në krim.
Nors Marlapz, gjatë marrjes në pyetje prej 4 orësh ka thënë se “unë e ndihmova djalin tim të pastronte njollat e gjakut në shtëpi.”
Në përfundim të deklaratave dhe përgjigjeve në pyetjet e prokurores Maria Perna u zyrtarizua akuza ndaj saj për bashkëpunim për fshehje kufome.
Zonja, e cila pranon se ka qenë në shtëpi në momentin e vrasjes se kryer nga djali i saj, do ta kishte ndihmuar atë të pastronte dhomën e gjumit ku ndodhi vrasja.
Më herët, ajo mohoi të ishte në dijeni të krimit dhe tha se gjatë kohës që ndodhi vrasja ishte në gjumë dhe nuk ka dëgjuar asgjë.
Ilaria Sula u përcoll sot për në banesën e fundit. Ajo do të prehet në Terni, ku u rrit dhe jetoi para se të largohej drejt Romës për studime.
Rreth 3 mijë persona, sipas mediave italiane, ishin të pranishëm në funeralin e të resë shqiptare.
