Këtë të mërkurë, më 6 maj, zhvillohet ceremonia mortore në nderim të ish-kryetarit të Kuvendit, Servet Pëllumbi, i cili u nda nga jeta një ditë më parë në moshën 89-vjeçare.
Arkëmorti mbërriti në orën 09:00 në sheshin “Skënderbej”, nga ku më pas u vendos në hollin e Teatrit të Operas dhe Baletit në Tiranë.
Homazhet në nder të figurës së njohur publike filluan në orën 09:30, ndërsa në orën 12:00 do të zhvillohen homazhet shtetërore.
Në orën 12:30 është parashikuar ceremonia e përcjelljes për në banesën e fundit, e cila do të zhvillohet me protokoll shtetëror.
Më pas, në orën 13:00, kortezhi funeral do të niset nga Teatri i Operas dhe Baletit drejt varrezave të Sharrës, ku do të bëhet edhe varrimi i tij.
Në ceremoninë e sotme pritet të mbahen dy fjalime. I pari fjalim do të mbahet nga i biri i ish-kreut të Kuvendit, Arben Pëllumbi dhe një fjalë tjetër nga një prej miqve më të ngushtë të tij, Namik Dokle.
