Sajmir Kolaveri, i akuzuar nga drejtësia shqiptare si vrasës i Klevis Lleshit në vitin 2020, është ekstraduar nga Italia,
Kolaveri ishte shpallur në kërkim nga Gjykata e Posaçme.
Njoftimi i INTERPOL:
Ekstradohet nga Italia, pjesëtari i një grupi kriminal.
Ai akuzohet nga GjKKO-ja, se ka bashkëpunuar me pjesëtarë të grupit, për vrasjen e një shtetasi, më datë 05.08.2020, për gjakmarrje, dhe për fshehjen e kufomës, në Mamurras.
Në vijim të bashkëpunimit të Interpol Tiranës me Interpol Romën, në kuadër të operacionit “The Wanted”, për lokalizimin, kapjen dhe ekstradimin e shtetasve në kërkim ndërkombëtar, u finalizuan procedurat për ekstradimin nga Italia, të shtetasit:
–Sajmir Kolaveri., 44 vjeç.
Gjykata e Posaçme e Shkallës së Parë kundër Korrupsionit dhe Krimit të Organizuar, me vendimin e datës 25.09.2025, i ka caktuar këtij shtetasi, masën e sigurisë “Arrest në burg”, për veprat penale “Vrasja për gjakmarrje”, “Fshehja ose asgjësimi i kufomës”, “Mbajtja pa leje dhe prodhimi i armëve, armëve shpërthyese dhe municionit”, të kryera në formën e veçantë të bashkëpunimit, atë të grupit të strukturuar kriminal, “Grupi i strukturuar kriminal” dhe ”Kryerja e veprave penale nga organizatë kriminale dhe grup i strukturuar kriminal”.
Nga hetimet dyshohet se më datë 05.08.2020, shtetasi S. K. ka bashkëpunuar me pjesëtarë të grupit, për vrasjen e shtetasit K. Ll., dhe më pas për transportimin dhe varrosjen e kufomës, në fshatin Shpërdhet, Mamurras.
Por Saimir Kolaveri di të bëjë edhe skenare si në filma aksion:
Ekzekutuesi i shpërthimit me tritol, Vilson Brahaj para Gjykatës u shpreh se Saimir Kolaveri i kishte premtuar 5 mijë euro duke i thënë se banesa ku do ndodhte shpërthimi ishte e tij dhe se ngjarjen, po e sajonte për të kërkuar azil jashtë Shqipërisë.
Ai u përmend sërish sot, pasi SPAK lëshoi urdhër arreste për vrasjen e Klevis Lleshit në vitin 2020, si ndërmjetësues në këtë ngjarje mes Aurel Hoxhës që ka porositur vrasjen e të riut kundrejt pagesës prej 50 mijë eurosh, të cilën e kreu Sabah Nuzi.
Ai u arrestua nga autoritet italiane pasditen e sotme.
Ekstradimi i tij do ta sjellë përballë drejtësisë shqiptare, ndërkohë që ai është i përfshirë në sagën e gjakmarrjes mes dy familjeve Lleshi dhe Hoxha.
