Një incident ajror ka ndodhur pranë portit të vogël të Vuliamenit, afër kryeqytetit grek, ku një helikopter që transportonte katër turistë amerikanë u rrëzua në det, vetëm pak minuta pasi ishte nisur nga qyteti bregdetar i Asterës. Dyshohet se shkaku i rrëzimit ka qenë një defekt në motor.
Fatmirësisht, piloti dhe katër pasagjerët u shpëtuan shpejt nga uji dhe u transportuan menjëherë në spital për kontrolle mjekësore. Sipas autoriteteve, asnjë prej tyre nuk është në rrezik për jetën.
Hetimet për zbardhjen e plotë të shkaqeve të aksidentit janë në vijim.
