Deputeti socialist Erion Braçe vazhdon të denoncojë skemat piramidale online, duke publikuar mesazhe nga një grup në Telegram që i përket skemës XUEX. Ai thotë se situata është shumë serioze, duke argumentuar se “krimi i mashtrimit dhe grabitjes po konsumohet i plotë”.
Në postimin e tij, Braçe zbardh informacione se në dy ditët e fundit, bosët e piramidës kanë bllokuar çdo tërheqje të parave nga anëtarët. Ai citon “Leo Smith”, i njohur si “profesori” dhe “robot”, i cili ka organizuar një mbledhje grupi ku njoftoi për këtë bllokim. Sipas Braçes, kjo tregon se anëtarët nuk mund të tërheqin paratë e tyre, të cilat blerë si investime.
Për më tepër, deputeti shprehet se pas 10 ditëve, askush nga qytetarët e Divjakës dhe Lezhës nuk ka arritur të fitojë paratë e investuara, duke e cilësuar këtë si një formë të qartë të mashtrimit. Ai thekson se Smith e quan XUEX një “borsë”, por Braçe e sfidon këtë ide, duke thënë se asnjë bursë në Evropë apo Amerikë nuk bllokon paratë e investitorëve. Ai fton publikun të lexojë mesazhet e Smith për të kuptuar se ato janë prova të funksionimit si një piramidë dhe jo si një borsa serioze.
Një tjetër detaj shqetësues që del nga mesazhet është se ende ka shqiptarë që kanë investuar në këtë skemë, pavarësisht përvojave të hidhura të vitit 1996-1997, kur skemat piramidale përfunduan tragjikisht për shumë familje. Braçe shpreh befasimin e tij se, pas gjithë asaj që kaluan shqiptarët, akoma ka individë që bien në këtë “gropë” të piramidave.
Kjo situatë duket se po ngrit shqetësime të mëdha në opinionin publik dhe Braçe po dëshmon se është e domosdoshme të ndërhyhet për të mbrojtur qytetarët nga mashtrime të tilla.
