Josko Gvardiol beson se Enzo Maresca është trajneri ideal për të nisur epokën e re të Manchester Cityt pas largimit të Pep Guardiolës.
Tekniku italian debutoi në stolin e Cityt në humbjen me penallti ndaj Interit, në një ndeshje miqësore të zhvilluar në Hong Kong.
“Maresca ka cilësi dhe ide të reja. Duhet të shohim se çfarë stili dhe taktike do të përdorim, por mendoj se është zgjedhja e duhur. Sigurisht, do t’i duhet kohë, sepse ndryshimi i trajnerit nuk është i lehtë”, deklaroi Gvardiol.
Mbrojtësi kroat foli edhe për largimin e Guardiolës, duke pranuar se lojtarët e kishin kuptuar se fundi i aventurës së tij po afrohej.
“Pas dhjetë vitesh ishte momenti që të pushonte. Mund ta ndienim se largimi po vinte”, shtoi ai.
Gvardiol komentoi gjithashtu çështjen e kapitenit të ri, duke veçuar Ruben Diasin si një nga udhëheqësit kryesorë të skuadrës pas largimeve të Bernardo Silvës dhe John Stonesit.
