Shqipëria ka mundësinë t’i bashkohet Botërorit të 2026 nëse kalon dy ndeshjet e play off-it në mars. Nëse kualifikohet, ajo do të jetë në grupin F, së bashku me Holandën, Japoninë dhe Tunizinë. Historiku me Holandën nuk është inkurajues, pasi kuqezinjtë kanë humbur të gjitha katër ndeshjet e mëparshme ndaj këtij ekipi, përfshirë dy ndeshje për kualifikimet e Botërorit në vitet 1964 dhe dy të tjera për kualifikimet europiane në 2006 dhe 2007.
Kjo ngjarje u shpall gjatë një ceremonialiteti të organizuar nga FIFA, ku presidenti Gianni Infantino e cilësoi Botërorin e 2026 si “Kupën e Botës më të madhe të të gjitha kohërave,” që do të ngjallë interes global me 3 vende organizatore, 16 qytete dhe 48 ekipe. Infantino po ashtu theksoi se në këtë kompeticion pritet të afrohen 7 milionë spektatorë në stadiume dhe 6 miliardë të tjerë të ndjekin ngjarjen përmes televizionit.
Infantino dha gjithashtu “Çmimin e Paqes FIFA” për Presidentin e SHBA-së, Donald Trump, për kontributin e tij në promovimin e paqes. Ndërkohë, Kosova, nëse realizon kualifikimin e saj, do të përballet në Grupin D me SHBA-në, Australinë dhe Paraguain.
Përveç Shqipërisë dhe Kosovës, grupet e tjera përfshijnë ekipe të forta si Brazili, Argjentina, dhe Gjermania. Brazil do të përballet me Marokun, Skocinë dhe Haitin, kurse Argjentina me Algjerinë, Austrinë dhe Jordanin, përkatësisht.
Grupet e Botërorit janë si më poshtë:
- Grupi A: Meksikë, Kore e Jugut, Afrika e Jugut, Play off D (Danimarka/Maqedonia e Veriut/Çekia/Irlanda)
- Grupi B: Kanada, Zvicër, Katar, Play off A (Italia/Irlanda e Veriut/Uells/Bosnja)
- Grupi C: Brazil, Marok, Skoci, Haiti
- Grupi D: SHBA, Australi, Paraguai, Play off C (Turqia/Rumania/Sllovakia/Kosova)
- Grupi E: Gjermani, Ekuador, Bregu i Fildishtë, Kurasao
- Grupi F: Holandë, Japoni, Tunizi, Play off B (Ukraina/Suedia/Polonia/Shqipëria)
- Grupi G: Belgjikë, Iran, Egjipt, Zelandë e Re
- Grupi H: Spanjë, Uruguai, Arabia Saudite, Kepi i Gjelbër
- Grupi I: Francë, Senegal, Norvegjia, Play off-i Interkontinental
- Grupi J: Argjentinë, Austri, Algjeri, Jordani
- Grupi K: Portugali, Kolumbi, Uzbekistan, Play off-i Interkontinental
- Grupi L: Angli, Kroaci, Panama, Gana
Ceremonia e shortit përveç performancave muzikore përfshiu dhe prononcime simbolike nga liderë të njohur, duke përshkruar evenimenti si një moment historik për futbollin dhe paqen globale.
