Avokatë grekë u paraqitën sot në gjykatë për të dëshmuar dhe për të dorëzuar prova kundër Israel Katz, ministrit aktual të mbrojtjes së Izraelit.
Kjo ndodh disa muaj pasi Fondacioni Hind Rajab, një organizatë që ndërmerr veprime ligjore kundër individëve të akuzuar për krime lufte në Gaza, dorëzoi më 21 janar një ankesë zyrtare ndaj Katz-it tek avokatë grekë.
Në një deklaratë, Fondacioni Hind Rajab tha se “ankesa u dorëzua në lidhje me vizitën e Katz-it në Greqi dhe përfshin pretendime që lidhen me përgjegjësinë e tij të mundshme sipas të drejtës ndërkombëtare”.
Ai shton se “ankuesit pretendojnë se Katz mund të mbajë përgjegjësi, si pjesëmarrës dhe si nxitës, për sjellje që dyshohet se përbëjnë krime të rënda ndërkombëtare, përfshirë krime lufte, torturë, krime kundër njerëzimit dhe gjenocid, në lidhje me situatën e vazhdueshme në Gaza”.
Fondacioni tha se një tjetër arsye pse ky rast po trajtohet në Greqi lidhet me një ankesë të bërë nga një anëtar i flotiljes Global Sumud në tetorin e kaluar, kur “shtetas grekë në bord u ndaluan me forcë dhe u mbajtën në mënyrë të paligjshme”.
