Janë publikuar pamjet kur dy grabitësit largohen nga argjendaria në Kamëz me bizhuteritë e vjedhura dhe me armë në dorë.
Nga vendi i ngjarjes ata janë larguar me një motor ndërsa kanë qenë me skafandra në kokë për tu mos identifikuar.
Ngjarja ka ndodhur rreth orës 13:00 në argjendarinë “Roy” në qendër të Kazmës dhe vetëm pak metra larg komisariatit. Njëri prej autorëve ka qenë i armatosur dhe ka kërcënuar shitësin gjatë grabitjes.
Menjëherë pas marrjes së njoftimit, shërbimet e Policisë kanë mbërritur në vendngjarje dhe kanë ngritur pika kontrolli në zonë, ndërsa po kryhen kontrolle për identifikimin dhe kapjen e autorëve.
