Një incident i pakëndshëm ka tronditur Barcelonën, teksa dy lojtarë të saj janë bërë objekt i hajdutëve gjatë kohës që skuadra ndodhej në Saudi Arabia për ndeshjet e Copa del Rey.
Sipas portalit RAC1, janë grabitur banesat e portierit Joan Garcia dhe mbrojtësit Pau Cubarsí.
Raportohet se shtëpia e Cubarsít është grabitur mbrëmjen e Vitit të Ri, më 30 janar, ku autorët kanë marrë ora të shtrenjta dhe sende të tjera me vlerë. Ndërsa te Garcia, grabitja ka ndodhur më 10 janar, dhe hajdutët kanë vjedhur bizhuteri të çmuara.
Sipas policisë katalanase, vlera totale e sendeve të vjedhura vlerësohet rreth 6,000 euro. Hetimet vazhdojnë, ndërsa autoritetet përjashtojnë mundësinë që të njëjtët persona të kenë qenë pas të dy rasteve.
Ky nuk është rasti i parë kur lojtarë të FC Barcelona bëhen shënjestër e grabitjeve: më herët janë raportuar vjedhje edhe në banesat e Pierre-Emerick Aubameyang dhe Ivan Rakitić.
