Bayern Munich ka marrë një lajm jo të mirë në krahun e djathtë të mbrojtjes, pasi mbrojtësi i parë i asaj zone, Konrad Laimer, pritet të mungojë për disa ndeshje për shkak dëmtimi.
Klubi bavarez njoftoi zyrtarisht se Laimer ka pësuar një tërheqje muskulare në pulpë gjatë ndeshjes së javës së 17-të në Bundesliga ndaj Köln-it. Austriaku u dëmtua në minutat e fundit dhe nuk arriti ta mbyllte takimin. Pavarësisht kësaj, Bayern fitoi 3-1. Mungesa e tij në ndeshjet e ardhshme është e sigurt, ndërsa kohëzgjatja e rikuperimit do të varet nga ecuria e rehabilitimit.
Këtë sezon, Laimer ka luajtur 26 ndeshje në të gjitha kompeticionet me Bayern, duke kontribuar me 2 gola dhe 7 asistime.
