Real Madrid ka marrë masa disiplinore ndaj Federico Valverde dhe Aurélien Tchouameni, pas incidentit që ndodhi mes tyre në Valdebebas.
Sipas AS, orët e fundit kanë qenë shumë të tensionuara brenda klubit madrilen, por burime pranë Valverde konfirmojnë se dy lojtarët kanë folur pas ngjarjes dhe e kanë konsideruar çështjen të mbyllur. Biseda mes tyre ka qenë më e qetë, larg tensionit të momentit, dhe ka shërbyer për të sqaruar situatën.
Megjithatë, Real Madrid ka vendosur të veprojë zyrtarisht. Klubi hapi një procedim disiplinor ndaj të dy lojtarëve dhe më pas njoftoi vendimin përfundimtar përmes një komunikate.
Në deklaratë, Real Madrid bëri të ditur se Valverde dhe Tchouameni u paraqitën para hetuesit të çështjes, ku shprehën keqardhje të thellë për atë që ndodhi dhe i kërkuan falje njëri-tjetrit.
Të dy lojtarët i kanë kërkuar falje gjithashtu klubit, shokëve të skuadrës, stafit teknik dhe tifozëve, duke pranuar çdo masë që Real Madrid do ta konsideronte të përshtatshme.
Pas kësaj, klubi vendosi t’i gjobisë të dy futbollistët me nga 500 mijë euro secilin, duke e mbyllur procedurën e brendshme disiplinore.
Situata vjen në një moment shumë delikat për Real Madrid, ku tensionet brenda skuadrës janë shtuar ndjeshëm pas rezultateve dhe klimës së fundit në klub.
