Gjykata Evropiane për të Drejtat e Njëriut me seli në Strazburg i ka shpallur të ligjshme disa biseda të marra nga aplikacioni EncroChat, të cilat dy të dënuar i konsideronin të paligjshme.
Sipas vendimit të gjykatës, bisedat e siguruara janë konsideruar prova të ligjshme dhe kërkesa e të dënuarve nuk është pranuar. EncroChat njihet si një ndër aplikacionet që kanë përdorur për komunikim personazhe të botës së krimit në vende të ndryshme të Evropës.
Pas këtij vendimi të sotëm të Gjykatës së të Drejtave të Njëriut, personazhe të caktuara të inkriminuar mund të ndihen në vështirësi, pasi në shumë vende janë ndërmarrë aksione arrestimesh që bazohen në bisedat e këtyre aplikacioneve.
Madje ky vendim i Gjykatës së Strasburgut mund të ketë impakt edhe në Shqipëri, pasi janë kryer shumë hetime nga SPAK, bazuar në bisedat e zbardhura në Francë nga këto aplikacione.
