Neymar ka marrë vëmendjen e mediave për një gjest human dhe bujar në ndihmë të viktimave të tërmeteve të fundit në Venezuelë.
Sipas medias venezueliane El Sumario, ylli brazilian ka dhuruar 250 mijë dollarë për të mbështetur zonat e prekura nga fatkeqësia natyrore.
Raportimet bëjnë me dije se fondet do të përdoren për ndihma humanitare, përfshirë blerjen e ushqimeve, ujit të pijshëm, pajisjeve mjekësore dhe organizimin e strehimit të përkohshëm për familjet që kanë humbur banesat.
Deri në këtë moment nuk ka ende një konfirmim zyrtar nga Neymar apo përfaqësuesit e tij, por lajmi ka marrë jehonë të madhe në mediat e Amerikës Latine.
Ky gjest është vlerësuar si një akt i rëndësishëm solidariteti nga futbollisti brazilian, i cili edhe një herë ka treguar mbështetje për njerëzit në nevojë.
