“SHBA duhet të largohet nga rajoni dhe t’i lërë vendet e Gjirit të përballen vetë me Iranin,” ka thënë gjenerali Mark Kimmitt, ish-ndihmëssekretar amerikan i Shtetit, për Al Jazeera.
“Janë taksat e mia. Paratë dalin nga xhepi im si amerikan për të ndihmuar në sigurimin e mbrojtjes së rajonit tuaj,” tha Kimmitt.
“Ne mund të kursejmë shumë para nëse thjesht themi ‘në rregull, po largohemi. Tani jeni vetë’”, përcjell A2CNN.
“Ne sigurisht mund të mbrojmë Izraelin brenda Izraelit dhe mund t’i lëmë shtetet e Gjirit të kujdesen vetë për veten e tyre”.
Situata në Gjirin Persik është mjaft e tensionuar dhe me intensifikimin e trupave amerikane në rajon, me mosarritjen e një marrëveshjeje ndërmjet palëve në konflikt dhe bllokimit të Ngushticës së Hormuzit, duket që rihapja e konfliktit në Lindjen e Mesme është gati e paevitueshme.
