Seana e sotme plenare ka nisur me fjalën e kryetares së Kuvendit, Elisa Spiropali e cila ka përuruar vendosjen e emrave “Bashkim Fino” dhe “Gerti Bogdani” dy sallave të reja në mjediset e sallës së seancave plenare të Kuvendit të Shqipërisë.
Ky akt simbolik vjen për të nderuar dy figura të shquara të politikës, të cilët kanë kontribuar në forcimin e demokracisë dhe zhvillimin e institucioneve të Shqipërisë.
“Në sallë janë familjarët e Bashkimit dhe Gertit, të cilët i përshëndes ngrohtësisht në emrin tuaj.
Bashkim Fino dhe Gerti Bogdani ishin dy politikanë aktivë dhe me integritet të lart, prindër, bashkëshortë, bij dhe vëllezër model, që frymëzojnë me kontributin, dashurinë dhe miqësinë që na kanë dhënë të gjithëve ne.” – tha Spiropali.
Propozimi për emërtimin e dy sallave të Kuvendit me emrat Bashkim Fino dhe Gerti Bogdani, u bë nga Spiropali në Konferencën e Kryetarëve.
Bashkim Fino, ish-Kryeministër i Shqipërisë, ish-ministër dhe deputet i Kuvendit për 6 legjislatura, u nda nga jeta në detyrë, si deputet i Kuvendit.
Gerti Bogdani, deputet i Kuvendit, për 2 legjislatura, u nda nga jeta në moshë të re. Besoj se kam mbështetjen tuaj dhe të deputetëve të Kuvendit.”-u shpreh Spiropali.
