Fushata elektorale nuk ka arritur të cënojë disa miqësi të vjetra! Një shembull i bukur është ai i aktores Julia Ilirjani dhe Julinda Dhamës, të dyja kandidate për deputete, por nga parti të ndryshme politike. Edhe pse garojnë në Tiranë – njëra për Partinë Demokratike dhe tjetra për Partinë Socialiste – ato kanë gjetur kohë të kalojnë pak çaste së bashku, duke rikujtuar miqësinë e tyre.
Ishte Julinda Dhame ajo që ndau në rrjetet sociale një foto me Ilirjanin, shoqëruar me një mesazh ku theksonte se, pavarësisht bindjeve të ndryshme politike, i bashkon dashuria për Tiranën.
“Edhe kur nuk jemi në të njëjtën anë të spektrit politik, me Julia Ilirjanin s’na ndan dot askush nga dëshira për një Tiranë më të mirë. Ajo me idetë e saj, unë me kokëfortësinë time – por që të dyja me dashni për qytetin tonë,” – shkruan Dhame.
Mesa duket, edhe pse të përfshira në garën për Kuvendin, miqësia e tyre vazhdon të mbetet e pathyeshme.
