Futbolli ndërkombëtar mund të përballet me një krizë të paprecedentë, pasi të gjitha 55 federatat anëtare të UEFA-s kanë mbështetur idenë e bojkotimit të Kupës së Botës për meshkuj dhe femra.
Sipas “talkSPORT”, federatat europiane kanë arritur një qëndrim të përbashkët gjatë një mbledhjeje urgjente dhe janë të gatshme të tërhiqen nga kompeticionet e FIFA-s, nëse Gianni Infantino vazhdon me projektin “FIFA Forward Enterprise”.
Ky projekt parashikon krijimin e një strukture të re komerciale me përfshirjen e investitorëve privatë, një ide që ka shkaktuar kundërshtime të forta nga UEFA.
Drejtuesit europianë druhen se ndryshimet mund të ndikojnë negativisht në administrimin e futbollit botëror dhe ta kthejnë Kupën e Botës në një kompeticion edhe më të kontrolluar nga interesat financiare.
Nëse palët nuk arrijnë një kompromis, futbolli botëror mund të hyjë në një nga përplasjet më të mëdha institucionale të historisë së tij.
