Presidenti francez, Emmanuel Macron tha se një ekip prej 85 specialistësh francezë në operacionet e kërkim-shpëtimit po dërgohet menjëherë në Venezuelë.
Macron foli me presidenten në detyrë të Venezuelës, Delcy Rodriguez, dhe shprehu solidaritet me popullin venezuelian dhe tha se Franca dhe partnerët e saj janë të gatshëm të ofrojnë ndihmë.
Ministria e Mbrojtjes e Spanjës gjithashtu tha se 54 ekipe shpëtimi të ushtrisë janë gati të dërgohen në Venezuelë.
“Një kontingjent nga njësia e emergjencave të ushtrisë kombinon përdorimin e qenve të kërkimit të trajnuar posaçërisht dhe pajisjeve specifike si kamerat e shpëtimit ose gjeofonët”, tha ministria në X.
Holanda tha gjithashtu se do të dërgojë një ekip në Venezuelë dhe do të ndajë rreth 2 milionë euro për të vendosur punëtorë shpëtimi, qen kërkimi dhe pajisje.
