Këtë të premte u mbyllën testet parasezonale të Formula 1 në Bahrein.
Ferrari u konsiderua fituesi moral pas gjashtë ditësh provash intensive.
Charles Leclerc dhuroi spektakël në ditën e fundit, duke regjistruar kohën më të shpejtë: 1:31.992.
Ai la pas Lando Norris të McLaren, me diferencë 879 të mijtat.
Në vendin e tretë u rendit Max Verstappen i Red Bull Racing, 1.117 sekonda më i ngadalshëm se Leclerc.
Mercedes hasi vështirësi teknike.
Makina e Andrea Kimi Antonelli patiprobleme në mëngjes, ndërsa George Russell u rendit i katërti, 1.924 sekonda pas kreut.
Përmirësime treguan Alpine dhe Haas.
Pierre Gasly dhe Zach Bearman zunë vendetpestë dhe të gjashtë.
Audi u fut në dhjetëshen më të mirë falë paraqitjes së Gabriel Bortoleto, ndërsa Antonelli mbylli garën në vendin e tetë.
Probleme serioze pati Cadillac, me Valtteri Bottas dhe Sergio Perez në fund të renditjes.
Ditë zhgënjyese përjetoi edhe Aston Martin.
Projekti i ri i drejtuar nga Adrian Newey dështoi të regjistronte kohë konkurruese pas vetëm gjashtë xhirove, për shkak të problemeve me baterinë dhe mungesës së pjesëve këmbimore.
Në përfundim, testet në Bahrein konfirmuan formën e fortë të Ferrarit dhe lanë pikëpyetje për disa skuadra, pak para nisjes së sezonit të ri të Formula 1.
