Hansi Flick nuk i ka shmangur pyetjet për mundësinë e rikthimit të José Mourinho te Real Madrid.
Me portugezin që raportohet se është pranë stolit të madrilenëve, trajneri i Barcelona u pyet nëse është gati për një kapitull të ri të rivalitetit në El Clásico dhe për një duel me “Special One”.
Flick u përgjigj me qetësi dhe vetëbesim, duke mos e dramatizuar shumë situatën.
“A jam gati të përballem me Mourinho? Sigurisht. Ai është një trajner si gjithë të tjerët”, u shpreh Flick, sipas Fabrizio Romano.
Një deklaratë e shkurtër, por e fortë nga trajneri gjerman, që shton edhe më shumë atmosferën për përballjet e ardhshme mes Barcelona dhe Real Madrid.
