Regjisori Christopher Nolan dëshiron që publiku ta shohë “Odisean” në ekranin më të madh të mundshëm, por sipas raportimeve, një kopje e rrjedhur e filmit u pa nga rreth dy milionë njerëz në rrjetet sociale gjatë fundjavës.
Revista e industrisë së filmit “Variety” raportoi se një postim në platformën X, i cili përmbante një version me cilësi të lartë të filmit, grumbulloi 2.1 milionë shikime brenda dy orësh e gjysmë të shtunën, përpara se llogaria të pezullohej.
“I gjithë filmi ‘Odisea’ në një postim në X, pikërisht siç e kishte menduar Nolan“, shkroi me ironi një përdorues.
Nolan e ka xhiruar të gjithë filmin, i cili zgjat tri orë, në formatin 70 mm, një format me rezolucion të lartë i projektuar për ekranet gjigante IMAX.
