Autoritetet vendore të cilat ndërhynë një ditë më parë kanë bërë të mundur izolimin e vatrës së zjarrit të aktivizuar në malin e fshatit Gërman të Njësisë Administrative Komsi në Bashkinë e Matit.
Ndërhyrja e menjëhershme nga toka bëri që vatra të mos përhapej më shumë në masivin pyjor me pemë ahu, duke shmangur kështu rritjen e dëmit ekonomik që vjen si pasojë e djegies nga zjarri.
Në operacionin për fikjen e kësaj vatre zjarri janë angazhuar pynonjës të shërbimit zjarrfikës ato të shërbimit pyjor etj të Bashkisë Mat. Zjarri u ndez rreth orës 12:00 të ditës së enjte, ndërsa nuk dihen ende shkaqet e rënies së tij nëse ka qenë nga pakujdesia apo i qëllimshëm. Për këtë kanë nisur hetimet policia e Matit.
Momentalisht situata mbetet e qetë në të gjithë Qarkun Dibër, nuk ka asnjë vatër zjarri aktive. Ndërkohë, autoritetet vendore në të katër bashkitë e këtij qarku po vijojnë punën për llogaritjen e dëmit ekonomik që është shkaktuar nga rënia e zjarreve gjatë muajve të kësaj vere.
