FIFA ka publikuar rezultatet e sondazhit të organizuar me tifozë nga e gjithë bota për të parashikuar fituesin e finales së Kupës së Botës 2026 mes Spanjës dhe Argjentinës.
Sipas votimit, Spanja konsiderohet favorite për të triumfuar në finale, duke marrë 53% të votave. Nga ana tjetër, Argjentina, kampionia në fuqi e botës, ka siguruar 47% të mbështetjes, duke konfirmuar se pritshmëritë për një finale të ekuilibruar janë shumë të larta.
Diferenca mes dy përfaqësueseve është minimale, ndërsa miliona tifozë në mbarë botën presin me interes sfidën që do të kurorëzojë kampionen e re të botës.
Spanja synon të rikthehet në majën e futbollit botëror dhe të fitojë titullin e saj të dytë në histori, ndërsa Argjentina kërkon të mbrojë kurorën e fituar në Botërorin e kaluar dhe të sigurojë yllin e katërt.
