Me tensione është duke u zhvilluar seanca e sotme plenare, kjo pasi socialistët kanë propozuar këtë të enjte një ligj për faljen e gjobave për ndërtimet pa leje.
Ky propozim i mazhorancës ka sjellë dhe debate të forta në sallën e Kuvendit. Kanë qenë demokratët ata të cilët u shprehën se nuk kanë qenë në dijeni të këtij propozimi.
Flamur Noka madje në një moment është ngritur pa i dhënë fjalën Spiropali, gjë që ka bërë që Garda të dalë para foltores.
Ky ka qenë edhe momenti që Noka është përplasur me gardistët, ndërsa Spiropali ka kërkuar që të largohen nga seanca, duke e cilësuar këtë një debat artificial.
“Nuk ka nevojë. Garda nuk ka nevojë, ore nuk ka nevojë. Ju lutem largohuni”, tha Spiropali ndër të tjera.
