Espanyol bën surprizën e madhe dhe mund Real Madridin 1-0 në shtëpi, në kuadër të javës së 22-të në La Liga. Madrilenët e nisën shumë keq ndeshjen, ku Rudiger la fushën i dëmtuar në minutën e 13-të. Gjermani me shumë mundësi do mungojë për një kohë të gjatë, pasi bëhet fjalë për një lëndim serioz.
Pjesa e parë u mbyll në barazim pa gola. Goli i vetëm i takimit u shënua në minutën e 85-të pasi një kundërsulmi të shpejtë të vendasve, Carlos Romero shënon pas asistit të El Hilali. SHIKO GOLIN
Në minutat e mbetura, madrilenët tentojnë të shënojnë golin e barazimit por nuk ia dalin dot. Espanyol merr një fitore të madhe, duke i bërë një nder të madh Barcelonës dhe Atletico Madrid-it. Vlen për t’u përmendur që titullar për Espanyol ishte edhe Marash Kumbulla, mbrojtësi kuqezi bëri një ndeshje shumtë të mirë.
Reali kryeson me 49 pikë, Atletico ndjek në vend të dytë me 48 pikë, Barcelona në vend të tretë me 42 pikë. Ekipi i Flick luan nesër ndaj Alaves, një fitore do ngushtonte diferencën në 4 pikë nga Real-i.
