Ministri i Shtetit për Pushtetin Vendor, Ervin Demo, ka folur për reformën territoriale pas mbledhjes së Këshillit të Ministrave, duke theksuar nevojën për përfshirjen e të gjitha palëve në diskutim.
Ai u shpreh se bashkitë, qarqet dhe qytetarët duhet të japin mendimet e tyre mbi reformën, e cila sipas tij synon përmirësimin e shërbimeve në territor.
“Së pari, më vjen mirë që ky proces ka filluar. Kemi qenë të interesuar që ky rpcoes të fillonte shumë më parë. Mendimet e e të gjithë aktorëve por jo vetëm, të gjithë të jenë të përfshirë dhe të japin qëndrimet e tyre sa i përket reformës dhe për ato që janë konstatuar në 10 vitet e fundit. Besoj që ka shumë për të diskutuar për çështjet që kryetari i bashkisë Lezhë ka ngritur. Komisioni është aty për të adresuar disa elementë që kanë të bëjnë me funksionet e bashkive. Kuptohet që qeveria qendrore nuk do të bjerë gjithnjë dakord me bashkitë. Ajo që duhet të garantojmë është që bashkitë duhet me ato çfarë kanë, kompetenca të deleguara apo që burojnë nga ligji, të jenë më të forta dhe të ofrojnë shërbime më të mira në territor. Besoj që do të dëgjojmë shumë kryetarë dhe aktorë të tjerë në territor që mund të kenë qëndrime të ndryshme për reformën apo elementët”, tha Demo.
