Zv. Presidentja e Partisë së Lirisë, Erisa xhixho shkruan në Facebook se nesër është protestat e opozitës dhe se të gjithë duhet të jenë bashkë në shesh.
Ajo shton se ne jemi sot përballë një regjimi që e ka bërë Shqipërinë të pajetueshme, ndaj arsyet për të protestuar janë shumë.
Xhixho: 8 Shkurt – Protesta e Opozitës! Të gjithë bashkë për t’i treguar këtij regjimi sa shumë janë ata që e duan ndryshimin.
Ne jemi sot përballë një regjimi që e ka bërë Shqipërinë të pajetueshme, ndaj arsyet për të protestuar janë shumë. Keqqeverisja, korrupsioni dhe abuzimi me pasuritë e vendit janë marka e kësaj qeverie që mendon se mund të vazhdojë t’i mashtrojë shqiptarët.
Le të protestojmë së bashku kundër:
• Talljes së mbi 800 mijë pensionistëve me rritje qesharake pensionesh e bonuse elektorale
• Çmimeve të larta që varfërojnë shqiptarët e pasurojnë qeverinë
• Mungesës së shpresës për mijëra të rinj që nuk duan ta ndërtojnë jetën në Shqipëri
• Keqqeverisjes dhe mungesës së mundësive që ka shpopulluar më shumë se gjysmën e vendit
• Nëpërkëmbjes së administratës shtetërore, duke e vënë në shërbim të Partisë Socialiste ende pa nisur fushata
• Keqtrajtimit të të sëmurëve dhe mungesës së shërbimeve në spitalet shtetërore
• Rrënimit të sistemit arsimor, që prodhon analfabetë funksionalë
• Vjedhjes së fondeve të fermerëve dhe shtyrjes së fasonëve drejt falimentit përmes zhvlerësimit të qëllimshëm të euros
• Rrënimit ekonomik të qytetarëve që nuk mbyllin dot muajin në një vend ku 1 metër katror në kullat që lartësohen përditë nis nga 6 mijë euro e ku bregdeti betonizohet nga klientët e qeverisë
• Kolapsit të sistemit gjyqësor që detyron qytetarët të presin 15 vite për të marrë drejtësi e shumë ndërrojnë jetë pa e marrë
Bashkohuni me ne në ora 17:00, para Kryeministrisë. Bashkë jemi më të fortë!
