Erion Veliaj do të dalë sërish këtë të mërkurë, në orën 12:30, përpara Gjykatës së Apelit të Posaçëm, pas shtyrjes së seancës së një dite më parë. Avokatët mbrojtës të kryebashkiakut të Tiranës kanë kërkuar kohë për t’u njohur me provat e reja të paraqitura nga prokurorët e çështjes.
Avokatët e kryebashkiakut kanë kërkuar shfuqizim të masës së arrestit në burg ose ndryshim me një masë më të lehtë, duke ofruar edhe garanci pasurore. Avokati i mbërritur nga SHBA Joshua Robert nuk u lejua që të merrte pjesë në cilësinë e vëzhguesit në seancën e djeshme që zgjati disa orë.
Prej datës 10 shkurt, kryetari i bashkisë së Tiranës mbahet i arrestuar me dyshimin se ka kryer dy vepra penale, atë të korrupsionit dhe pastrimit të parave. Në seancën e mbajtur 2 ditë më vonë pas arrestimit, më 12 shkurt për vleftësimin e masës së arrestit të dhënë në mungesë ndaj Veliajt, kryebashkiaku përmes avokatëve mbrojtës ofroi edhe garanci pasurore në këmbim të lirisë, por u refuzua nga gjykata.
