Tre banorë të Antwerp dhe klienti i tyre serb u dënuan sot me deri në shtatë vjet burg për importimin e ngarkesave të kokainës përmes portit të Antëerp. Katërshja u zbulua për shkak të hakimit të shërbimit të mesazheve “Sky ECC”.
Hetimi për katërshen filloi me deshifrimin e mesazheve të dërguara në fillim të vitit 2021 në një grup bisedash në “Sky ECC”. Hetuesit përcaktuan se shtetasi serb Petar G. 51 vjec ua përcjell numrat e konteinerëve nën pseudonimin “Pisko” dy burrave nga Antwerp, Dejan T. 38 vjeç dhe Samir Y. 37 vjeç.
Sipas gjykatës, klienti “Pisko” ishte në kontakt të drejtpërdrejtë me organizatën në Amerikën e Jugut, personat që siguronin që kokaina të përfundonte në konteinerë për në Antëerp. Shokët e tij në Antëerp ishin përgjegjës për ndjekjen dhe dërgimin e mallit.
Të tre anëtarët e grupit komunikuan për konteinerë që u kontrolluan pas mbërritjes në Antëerp dhe Roterdam dhe në të cilat u gjetën një total prej gati 1300 kilogramë kokainë. Më datë 12.02.2021, dogana ka gjetur 387.12 kilogramë. Disa ditë më parë, 920 kilogramë kokainë ishin gjetur në Roterdam në dy konteinerë me kimikate dhe verë kiliane.
Në mesazhe, Petar G. kishte dërguar foto të fuçive me kimikate dhe kishte përmendur gjithashtu verën kiliane si ngarkesë në kuvertë.
Samir Y. dhe Dejan T. ishin gjithashtu në kontakt me shqiptarin Gentjan B. 36 vjec në nëntor 2020. Ai ofroi shërbimet e tij për të organizuar heqjen e 300 kilogramëve kokainë. Prandaj ata u proceduan penalisht edhe për veprime përgatitore. Dejan T. kishte kryer edhe disa transporte të sasive të mëdha të parave cash për llogari të Petar G., gjithsej 196.000 euro, e cila ishte konfiskuar.
Gjykata vendosi se katër burrat janë fajtorë për të gjitha veprat e akuzuara ndaj tyre.
Udhëheqësi Petar G. u dënua me shtatë vjet burg, Dejan T. i cili nuk u paraqit u dënua me pesë vjet burg. U urdhërua arrestimi i menjëhershëm i tyre. Për shkak se Samir Y. mori një dënim me burg pjesërisht të pezulluar në Dendermonde në tetor, gjyqtarët gjetën një dënim shtesë prej katër vjetësh të mjaftueshëm për të. Gentjan B. mori tridhjetë muaj burg. Të katër burrat duhet të paguajnë gjithashtu gjoba të rënda.
