GREQI- Identifikohet shqiptari, i cili dyshohet se ka vrarë gruan e tij me çekiç në Greqi.
Ngjarja ka ndodhur në Ampelokipi, kurse autori ka lajmëruar policinë duke thënë se e ka vrarë dhe se e kishte fshehur në papafingo.
Autori është Kastriot Cenko, 39-vjec, nga qyteti i Fierit. Policia dhe grupi hetimor po punojnë për zbardhjen e rrethanave të krimit.
Si ndodhi ngjarja
39-vjeçari shqiptar dyshohet se vrau gruan e tij me çekiç një javë më parë dhe më pas e fshehu trupin në papafingo në Greqi.
Ka qenë vetë shqiptari i cili ka denoncuar në polici krimin. Ai ka rrëfyer se vrasjen e ka bërë para një jave në banesën e tyre në Amplelokipi dhe më pas e ka fshehur trupin.
Burri ju ka thënë oficerëve të policisë se e ka vrarë gruan nga xhelozia. Ai tregoi se e ka qëlluar disa herë me grushta dhe me çekiç ndërkohë që fëmijët ndodheshin në shkollë.
Ndërkohë gjatë gjithë kësaj jave fëmijët e çiftit të cilët ndodheshin në shtëpi, përveç erës së rëndë, nuk kanë patur dijeni për krimin që kishte kryer babai i tyre./ilirianews
