Në një ndeshje pa shumë emocion, Egnatia ka mundur Kukësin me rezultatin 2-0, duke siguruar për herë të parë titullin e Superkupës së Shqipërisë.
“Arena Kombëtare” nuk ka njohur surpriza, pasi skuadra nga Rrogozhina ka dominuar totalisht ndeshjen, ndërsa Kukësi nuk ka arritur të krijojë asnjë mundësi të vërtetë për të konkuruar për këtë trofe.
Pasi humbi disa mundësi shënimi, Egnatia kaloi në avantazh në minutën e 19-të me një goditje të fuqishme nga Ujka në hyrje të zonës, që nuk e la shans për portierin kundërshtar. Më pas, në minutën e 84-t, Bakayoko shënoi golin e dytë, duke vulosur fitoren dhe siguruar titullin e Superkupës për skuadrën e tij.
Pas fitoreve në kampionat dhe në Kupë, Egnatia e mbyll vitin 2024 me një tjetër trofe të rëndësishëm.
