Përveç protestës që u mbajt në Tiranë për të kërkuar siguri dhe mbajtje përgjegjësie nga institucionet për vrasjen e 14-vjeçarit Martin Cani, të rinjtë kanë protestuar këtë të mërkurë edhe në Elbasan.
Një grup të rinjsh prindërish, mësuesish dhe aktivistësh të shoqërisë civile u mblodhën në orën 17.00 në Sheshin “Gensher”, duke kërkuar drejtësi për vogëlushin. Ata me thirrjet e tyre kërkuan vendosjen e rendit në shkolla.
“Të gjithë duhet të kërkojmë siguri në shkolla për fëmijët tanë dhe më shumë siguri kudo ku jetojmë e punojmë’- thanë pjesmarrësit në këtë marshim ku disa prej tyre mbanin në duar pankarta me me mbishkrime të tilla si:”Zgjidh paqen, jo dhunën”, ”Jeta është e vyer, mbroje”, “Është më mirë të flasësh dhe të denoncosh, apo të vdesësh”?
