Një ngjarje e rëndë është regjistruar në Modena tyë Italisë, ku një makinë me shpejtësi “skëterrë” ka goditur një turmë këmbësorësh në zonën e qarkullimit të kufizuar të mjeteve.
Në pranga si autor i ngjarjes ka rënë, 31-vjeçari italian me origjinë marokene, Salim el Koudri. Ai nuk rezulton të ketë pasur precedent penalë, ndërsa sipas mediave italiane veproi “nga pakënaqësia sepse ndihej i ngacmuar”.
Rreth 7-8 persona mbetën të plagosur, dy prej të cilëve janë në gjende të rëndë, një gruaje ka gjasa të duhet ti priten të dyja këmbët, sipas mediave të huaja. Po ashtu makina u përplas me një vitrinë dyqani dhe një biçikletë, teksa mbeti e bllokuar në trotuar.
Autori maroken, u largua në këmbë dhe teksa arratisej ai nxorri thikën dhe sulmoi një kalimtar, por u ndalua nga qytetarët. Në vendngjarje mbërritën karabinierët, policia lokale dhe helikopterë emergjence nga Bolonja dhe Pavullo. Kryebashkiaku Mezzetti falënderoi qytetarët që ndaluan shoferin, duke parandaluar një tragjedi më të madhe.
Kryeministrja Giorgia Meloni dhe Ministri i Brendshëm Matteo Piantedosi po ndjekin situatën nga afër. Dëshmitarët treguan se makina po ecte me të paktën 160 km/orë dhe njerëzit “fluturonin” nga përplasjet.
