Dinamo ka përfunduar sonte rrugëtimin e saj në Europë, pas barazimit 1-1 ndaj Jagiellonia në “Arenën Kombëtare” në Tiranë.
Rezultati i përgjithshëm 1-4 në favor të skuadrës polake i dha fund ëndrrës së djemve të Ilir Dajës.
Pavarësisht eliminimit, Dinamo zhvilloi një ndeshje dinjitoze përpara tifozëve të vet. Në pjesën e parë pati disa mundësi për të kaluar në avantazh, por mungoi saktësia në finalizim. Shpresa u rindez në minutën e 68-të, kur Bregu realizoi një gol të bukur, por vetëm 11 minuta më vonë, Rallis shënoi për miqtë, duke vulosur fatin e sfidës.
Megjithatë, Dinamo largohet me dinjitet nga këto kualifikuese, pasi rezistoi deri në fund ndaj një kundërshtari të fortë. Tani fokusi i skuadrës kalon te kampionati, me synimin për të nisur sezonin e ri me këmbë të mbarë.
REZULTATI:
DINAMO 1-1 JAGIELLONIA
Shënues: Bregu 68’ / Rallis 79’
