Një banesë private është përfshirë nga flakët në qendër të qytetit të Elbasanit, pranë ish-kinemasë.
Shtëllunga të mëdha tymi janë ngritur në ajër, duke shkaktuar panik te banorët e zonës.
Sipas informacioneve paraprake, zjarri ka përfshirë plotësisht banesën, ku jetonte vetëm një person. Fatmirësisht, ai ka shpëtuar pa lëndime, por ndodhet në gjendje të rënduar psikologjike dhe nuk ka mundur të japë shpjegime mbi shkaqet e rënies së zjarrit.
Në vendngjarje kanë mbërritur menjëherë forcat zjarrfikëse, të cilat po punojnë për vënien nën kontroll të flakëve. Ndërkohë, policia ka nisur hetimet për të zbardhur rrethanat dhe shkakun e ngjarjes.
